కొత్త రకం స్వైన్ ఫ్లూ ని కనుకొన్న చైనా శాస్త్రవేత్తలు

thesakshi.com   :    చైనాలో శాస్త్రవేత్తలు కొత్త రకం స్వైన్ ఫ్లూ ని కనుక్కున్నారు. మరో మహమ్మారి తయారయ్యే లక్షణాలన్నీ దీనికున్నాయని వారు అంటున్నారు.

2009 లో ప్రపంచాన్ని వణికించిన స్వైన్ ఫ్లూ వైరస్ కి దగ్గరగా ఈ కొత్త వైరస్ ఉండని తెలిసింది. ఈ వైరస్ మానవులకు సోకే ప్రమాదం లేకపోలేదని నిపుణుల అభిప్రాయం.

2011 నుంచి 2018 వరకూ చైనా లోని 10 ప్రదేశాలలోని 179 స్వైన్ ఫ్లూ వైరస్ లని శాస్త్రవేత్తలు వేరు చేశారు. వీటిలో ఎక్కువ 2016 నుంచి పందుల్లో కనబడుతోంది. ఆ తరువాత శాస్త్రవేత్తలు ఫెర్రెట్స్ మీద ప్రయోగాలు చేశారు.

ఫెర్రెట్ ముంగిస వంటిది. ఫ్లూ పరిశోధనల్లో ఫెర్రెట్స్ ఎక్కువగా వాడతారు. ఎందుకంటే ఫెర్రెట్స్ మనుషులలాగానే జ్వరం, దగ్గు, తుమ్ముల వంటి సమస్యలు వస్తాయి.

కొత్తగా కనుక్కున్న వైరస్ మిగిలిన వైరస్ ల కంటే ఎక్కువగా ఫెర్రెట్స్ లక్షణాలను చూపిస్తోందని తెలిసింది. పైగా రెగ్యులర్ గా సీజనల్ గా వచ్చే ఫ్లూ నించి మనుషులు ఏర్పరచుకున్న ఇమ్యూనిటీ ఈ కొత్త వైరస్ విషయం లో పని చేయటం లేదని కూడా తెలిసింది.

ఈ పందుల దగ్గర పని చేసేవారిలో పది శాతం మందికి ఆల్రెడీ ఈ వైరస్ సోకిందని కూడా తెలిసింది. అలాగే, నాలుగు శాతం మామూలు ప్రజలు కూడా ఈ వైరస్ కి ఎక్స్పోజ్ అయ్యారని తెలుస్తోంది.

ఈ వైరస్ ఇప్పటికే జంతువులనుండి మనుషులకి సోకిందని తెలిసింది. మనిషి నించి మనిషి కి సోకుతుందేమో అని శాస్త్రవేత్తలు ఆందోళన చెందుతున్నారు. అదే జరిగితే మరొక మహమ్మారి తయారౌతుందని భయపడుతున్నారు.

వారు పందుల దగ్గర పని చేసే వారిని రెగ్యులర్ గా మానిటర్ చేయాలని కోరుతున్నారు. ఈ పని తక్షణం చేయాలని సూచిస్తున్నారు.

అడవుల్లో పెరిగే జంతువుల కంటే మనకి దగ్గరగా ఉండే జంతువుల దగ్గర్నుంచి మనకి వ్యాధులు సోకే ప్రమాదం ఎక్కువ అనే విషయాన్ని ఈ పరిశోధన మరోసారి నిజం చేసిందని నిపుణులు అంటున్నారు.

Leave a Reply

Your email address will not be published. Required fields are marked *