అనంతపురంలో రోడ్డు ప్రమాదం..లారీలు ఢీ.. డ్రైవర్ సజీవదహనం

thesakshi.com   :    అనంతపురం జిల్లాలో ఘోర ప్రమాదం చోటుచేసుకుంది. మంగళవారం ఉదయం తాడిపత్రి సమీపంలోని కడప రహదారిపై రెండు లారీలు ఢీకొన్నాయి. ఈ ప్రమాదంతో మంటలు చెలరేగి ఓ లారీ డ్రైవర్‌ సజీవదహనమయ్యాడు.

తాడిపత్రి నుంచి వరిపొట్టు లోడుతో వెళ్తున్న లారీ, కడప నుంచి బొగ్గు లోడ్‌తో తాడిపత్రి వైపు వస్తున్న మరో వాహనం ఎదురెదురుగా ఢీకొన్నాయి. వాహనాలు బలంగా ఢీకొట్టడంతో పెద్ద ఎత్తున మంటలు చెలరేగి బొగ్గు లారీ డ్రైవర్‌ మంటల్లో కాలిపోయాడు. లారీ డ్రైవర్‌ను ఉత్తర్‌ప్రదేశ్‌కు చెందిన నిషార్‌‌గా గుర్తించారు.

ప్రమాదంలో మరో లారీలోని ఇద్దరికి తీవ్రగాయాలయ్యాయి. స్థానికులు, పోలీసులు గంటపాటు శ్రమించి మంటలను అదుపుచేశారు. అనంతరం క్షతగాత్రులను బయటకు తీసి తాడిపత్రి ఆస్పత్రికి తరలించారు.

ప్రస్తుతం వారికి చికిత్స కొనసాగుతోంది. ఈ ఘటనపై కేసు నమోదుచేసిన పోలీసులు దర్యాప్తు చేపట్టారు. అతివేగమే ప్రమాదానికి కారణమని ప్రాథమికంగా నిర్ధారించారు. ప్రమాదంతో రహదారిపై భారీగా ట్రాఫిక్ స్తంభించిపోయింది. పోలీసులు రంగంలోకి దిగి వాహనాలను క్రమబద్దీకరించారు.

Leave a Reply

Your email address will not be published. Required fields are marked *