thesakshi.com : నగ్న వీడియోలతో వలవేసిన ఒక కి‘లేడి’ ట్రాప్ చేసి బ్లాక్ మెయిలింగ్ చేయడంతో ఐఏఎస్ ప్రిపేర్ అవుతున్న ఓ యువకుడు ఆత్మహత్య చేసుకున్నాడు. వేధింపులు తాళలేక ఈ యువకుడు బలవన్మరణానికి పాల్పడ్డాడు.
తాజాగా కర్ణాటకలోని బెంగళూరులో ఓ యువకుడు ఇలాగే ట్రాప్ లో చిక్కుకున్నాడు. ఐఏఎస్ కావాలని కలలుకన్నాడు.. ఆ ముఠా వేధింపులు తట్టుకోలేక చివరకు ఆత్మహత్య చేసుకున్నాడు. అతడి ఆత్మహత్యకు కారణం తెలియని కుటుంబ సభ్యులు చివరకు అతడి ఫేస్ బుక్ మెసేంజర్ ఓపెన్ చేయడంతో విషయం వెలుగుచూసింది.
బెంగళూరులోని కేఆర్ పురం ప్రాంతంలో ఉన్న భట్టరహల్లి రెసిడెన్సీ లో 26 ఏళ్ల యువకుడు కుటుంబంతో కలిసి నివసిస్తున్నాడు. ఎంబీఏ పూర్తి చేసి ఐఏఎస్ ప్రిపేర్ అవుతున్నాడు. వారం రోజుల క్రితం అతను ఇంట్లో ఉరేసుకొని ఆత్మహత్యకు పాల్పడ్డాడు.
ఫేస్ బుక్ మెసేంజర్ లో బెదిరిస్తూ చేసిన మెసేజ్ లను అతడి సోదరి చూసింది. అతను ఆత్మహత్యకు పాల్పడే ముందు రోజు రూ.36వేలు వారి బ్యాంకు ఖాతాలో జమ చేసినట్లు గుర్తించారు. ఆ తర్వాత యువకుడు చనిపోయిన విషయాన్ని ముఠాతో చెప్పకుండా వారు ఫోన్ నంబర్ అడగడంతో తమ బంధువు నంబర్ ను బాధిత కుటుంబం ఇచ్చింది.
దీంతో తేజాస్ మరేష్ భాయ్ అనే వ్యక్తి డబ్బులు పంపాలని.. లేదంటే నగ్న వీడియోలు రిలీజ్ చేస్తామని బెదిరిస్తూ ఆ ఫోన్ నంబర్ కు మెసేజ్ చేశాడు. నేహా శర్మ అనే ఓ ఫేస్ బుక్ ఖాతా నుంచి వచ్చిన రిక్వెస్ట్ ను బాధితుడు యాక్సెప్ట్ చేశాడు. వారిద్దరి మధ్య చాటింగ్ నగ్న వీడియో కాల్స్ జరిగినట్లు గుర్తించారు.
దీనిపై మృతుడి సోదరి పోలీసులను ఆశ్రియించడంతో వారు దర్యాప్తు జరిపి విచారణ జరుపుతున్నారు. ముఠా కోసం గాలిస్తున్నారు.
