thesakshi.com : దురదృష్టకర సంఘటనలో ప్రభుత్వ హాస్టల్‌లో పాము కాటు తో విద్యార్థి మృతి చెందగా, మరో ఇద్దరు తీవ్ర అస్వస్థతకు గురయ్యారు. ఈ ఘటన విజయనగరం జిల్లా కురుపాంలో ఏపీ ప్రభుత్వం నిర్వహిస్తున్న వెనుకబడిన తరగతుల విద్యార్థుల కోసం జ్యోతిబా ఫూలే సంక్షేమ హాస్టల్‌లో గురువారం అర్ధరాత్రి చోటుచేసుకుంది.
దలాయిపేట గ్రామానికి చెందిన ఎం.రంజిత్‌కుమార్‌, జిగారంకు చెందిన ఇ.వంశీ, జగ్గునాయుడుపేట గ్రామానికి చెందిన వి.నవీన్‌లు ఆ రెసిడెన్షియల్‌ పాఠశాలలో 8వ తరగతి చదువుతూ ఒకే హాస్టల్‌లో ఉంటున్నారు. అయితే అర్ధరాత్రి విషపూరిత పాము ముగ్గురిని కాటేసింది. వెంటనే నిర్వాహకులు ముగ్గురినీ పార్వతీపురం తరలించి అక్కడి నుంచి విజయనగరం తిరుమల ఆస్పత్రికి తరలించి అనంతరం విశాఖలోని కేజీ ఆస్పత్రికి తరలించారు.
ఉపముఖ్యమంత్రి పి.పుష్ప శ్రీవాణి ఆసుపత్రికి చేరుకుని వారి ఆరోగ్య పరిస్థితిపై వైద్యులను ఆరా తీసి, అనంతరం వారిని వైజాగ్‌కు తరలించారు. విద్యార్థుల పరిస్థితిని జాయింట్ కలెక్టర్ ఆర్.మహేష్ కుమార్ పర్యవేక్షిస్తున్నారు. ఇంతలో పాము విషం లోపలి అవయవాల పనితీరు దెబ్బతినడంతో ఎం.రంజిత్ కుమార్ తుదిశ్వాస విడిచారు. మిగిలిన ఇద్దరు నిలకడగా చికిత్స పొందుతున్నారు.