తెలుగుదేశం (టీడీపీ) జాతీయ అధ్యక్షుడు చంద్రబాబు నాయుడు కు కరోనా పాజిటివ్

thesakshi.com    :   ఆంధ్రప్రదేశ్ ప్రతిపక్ష నేత, తెలుగుదేశం (టీడీపీ) జాతీయ అధ్యక్షుడు చంద్రబాబు నాయుడు కరోనా కాటుకు గురయ్యారు. కొవిడ్ విలయం నేపథ్యంలో గడిచిన రెండేళ్లుగా అసాధారణ జాగ్రత్తలు తీసుకుంటూ వస్తోన్న ఆయన తొలిసారి వైరస్ బారిన పడ్డారు.

I've tested positive for COVID with mild symptoms. I have quarantined myself at home and taking all the necessary precautions.

I would request those who came in contact with me to get themselves tested at the earliest. Please be safe and take care.

— N Chandrababu Naidu (@ncbn) January 18, 2022

కొడుకు నారా లోకేశ్ కు కరోనా సోకినట్లు తేలిన కొద్ది గంటల్లోనే చంద్రబాబుకూ ఇన్ఫెక్షన్ నిర్ధారణ అయింది. తనకు కరోనా సోకిన విషయాన్ని టీడీపీ అధినేత స్వయంగా మంగళవారం ఉదయం ప్రకటించారు. చంద్రబాబుకు కరోనా సోకిందన్న వార్త పార్టీ శ్రేణుల్లో ఆందోళన రేపగా, తన ఆరోగ్య పరిస్థితిపైనా బాబు వివరణ ఇచ్చారు.

తాజా టెస్టుల్లో తనకు కొవిడ్ పాజిటివ్ గా నిర్ధారణ అయిందన్న చంద్రబాబు.. వ్యాధి లక్షణాలు స్వల్పంగా ఉన్నాయని తెలిపారు. ఇన్పెక్షన్ తర్వాత వైద్యుల సూచనల మేరకు ఇంట్లోనే (హోం) ఐసోలేషన్ లో ఉన్నట్లు వెల్లడించారు.

అవసరమైన అన్ని జాగ్రత్తలు తీసుకుంటున్నాని చెప్పిన చంద్రబాబు.. ఇటీవల కాలంలో తనను కలిసి ప్రతి ఒక్కరూ విధిగా కొవిడ్ పరీక్షలు చేయించుకోవాలని, ఏ మాత్రం అనుమానం ఉన్నా ఐసోలేషన్ లో ఉండాలని సూచించారు.