thesakshi.com : నచ్చిన హీరోతో ప్రేమలో పడటం.. కొంత కాలం డేటింగ్ చేయడం ఆ తరువాత అభిప్రాయ భేదాలు రావడంతో బ్రేకప్ చెప్పుకోవడం గత కొంత కాలంగా బాలీవుడ్ స్టార్స్ మధ్య జరుగుతోంది. బ్రేకప్ చెప్పుకుని విడిపోయిన స్టార్స్ మళ్లీ నచ్చిన స్టార్ తో కొత్త ప్రేమకథని స్టార్ట్ చేస్తున్నారు.
అన్నీ సవ్యంగా కుదిరితే తమ ప్రేమని దీపకి -రణ్ వీర్ అలియా – రణ్ బీర్ తరహాలో పెళ్లి పీటలెక్కిస్తున్నారు. వివాహ బంధంతో ఒక్కటవుతున్నారు. అయితే ఈ మధ్య ఓ క్రేజీ హీరోయిన్ తన కో స్టార్ కు బ్రేకప్ చెప్పేసింది. అయినా సరే మళ్లీ ఆ హీరోతో చెట్టపట్టలేసుకుని తిరుగుతుండటం పలువురిని ఆశ్చర్యాన్ని కలిగిస్తోంది.
వివరాల్లోకి వెళితే.. క్రేజీ హీరోయిన్ కియారా అద్వానీ కి తెలుగు హిందీ భాషల్లో మంచి క్రేజ్ వున్న విషయం తెలిసిందే. తెలుగులో భరత్ అనే నేను వినయ విధేయ రామ వంటి చిత్రాల్లో నటించి టాలీవుడ్ ప్రేక్షకులని ఆకట్టుకుంది.
ప్రస్తుతం రామ్ చరణ్ హీరోగా ది గ్రేట్ డైరెక్టర్ శంకర్ తెరకెక్కిస్తున్న `RC15`(వర్కింగ్ టైటిల్) లో నటిస్తోంది. ఇదిలా వుంటే గత కొంత కాలంగా హీరో సిద్దార్ధ్ మల్హోత్రాతో ప్రేమలో వున్న కియారా కొన్నాళ్ల పాటు అతనితో ముంబై వీధుల్లో చెట్టపట్టాలేసుకుని తిరిగింది.
మధ్యలో ఏమైందో ఏమో తెలియదు కానీ ఇటీవల అతనికి బ్రేకప్ చెప్పేసింది. ప్రస్తుతం తాను సింగిల్ అని స్పష్టం చేసిన కియారా తాజాగా షాకిచ్చింది. రంజాన్ ఫెస్టివెల్ సందర్భంగా సల్మాన్ ఖాన్ సోదరి అర్పిత ముంబైలో ఓ భారీ పార్టీని ఏర్పాటు చేసింది.
ఈ పార్టీకి సల్మాన్ ఖాన్ తో మంచి అనుబంధం వున్న బాలీవుడ్ సెలబ్రిటీలు చాలా మంది హాజరయ్యారు. ఇదే పార్టీలో కియారా అద్వానీ సిద్ధార్ధ్ మల్హోత్రా కలిసి వచ్చారు. పార్టీలో సందడి చేశారు.
చూస్తున్న వాళ్లకి బ్రేకప్ అన్నారు మళ్లీ ఇదేంటీ అనే అనుమానం కలిగింది. పైకి మాత్రం బ్రేకప్.. లోన మాత్రం ఇద్దరి మధ్య డేటింగ్ కంటిన్యూ అవుతోందంటూ వారిపై కామెంట్ లు చేస్తున్నారు. దాదాపు రెండేళ్లుగా కియారా సిద్ధార్ధ్ మల్హోత్రా డేటింగ్ లో వుంటున్నారట. తాజాగా అర్పిత పార్టీలో ఇద్దరూ కలిసి కనిపించడంతో ఇంతకీ వీరిది బ్రేకప్ నిజమా లేక డ్రామానా అని బాలీవుడ్ మీడియా వర్గాలు ఆరా తీస్తున్నాయట. సిద్ధార్ధ్ మల్హోత్రా ప్రస్తుతం రష్మిక మందన్నతో కలిసి `మిషన్ మజ్ను` చిత్రంలో నటించారు. ఈ మూవీ త్వరలో ప్రేక్షకుల ముందుకు రాబోతోంది.